Кина и Бразил создаваат лабораторија која ќе се фокусира на научните потреби за астрономско набљудување и истражување на длабоката вселена, соопшти државната корпорација „Кинеска технолошка групација за електроника“.

Компанијата го поздрави договорот меѓу Институтот за истражување на мрежни комуникации на кинеската корпорација со бразилскиот Федерален универзитет Кампина Гранде и Федералниот универзитет Параиба за создавање кинеско-бразилска лабораторија за радиоастрономска технологија, како поставување солидна основа и обезбедување важна платформа за идна меѓународна научна и технолошка размена, како и соработка.

Лабораторијата ќе истражува најсовремени технологии, ќе ја унапредува меѓународната научна и технолошка соработка и ќе планира големи глобални истражувачки проекти, овозможувајќи иновации во науката и технологијата да го поддржат глобалниот развој и модернизација, се додава во соопштението.

Во меѓувреме, кинеската комерцијална сателитска констелација, „Спејс сејл“, ќе обезбеди услуги за сателитска комуникација во Бразил и широкопојасен интернет пристап до оддалечени и недоволно опслужени региони.

Се очекува констелацијата на „Спејс сејл“ во Земјината орбита со целосни фреквенциски опсези и повеќеслоен, повеќеорбитен дизајнда ги донесе своите комерцијални услуги во Бразил во 2026 година.