3 мин читање

Македонските фудбалери ќе играат во групата со домаќинот Мексико ако се пласираат на Мундијалот

Во центарот Кенеди во Вашингтон се одржа жрепката за групите на Светското првенство во фудбал, кое следната година ќе се одржи во Соединетите Американски Држави, Канада и Мексико со рекордни 48 репрезентации

5 декември 2025

Најдобрите фудбалски репрезентации во светот на денешната ждрепка што се одржа во центарот „Кенеди“ во Вашингтон ги дознаа своите противници на Светското првенство, кое следната година ќе се одржи во Соединетите Американски Држави, Канада и Мексико.

Македонската фудбалска репрезентација ќе игра со Мексико, Јужноафриканската Република и Јужна Кореја ако се пласира на Mундијалот. За да стигне таму Македонија мора прво да ја победи Данска на гостински терен во полуфиналето на плеј-офот, а ако ја елиминира, во финалето ќе се сретне со победникот на дуелот Чешка-Република Ирска. Полуфиналните мечеви се на 26 март, а финалните пет дена подоцна.

Најголемата глобална фудбалска смотра е закажана од 11 јуни до 19 јули 2026 година, на стадионите во 16 градови од Канада, Мексико и САД.

Отворањето на Мундијалот е со мечот Мексико- Јужнoафриканска Република.

Ова ќе биде прво издание во проширен формат во кое ќе учествуваат 48 репрезентации, наместо 32 учесници што беа присутни на претходните првенства.

Распоредот на натпреварите со точните локации и времиња ќе бидат објавени во сабота во 18 часот.

Двата најдобри тима од секоја група и осумте најдобри третопласирани тимови ќе продолжат во нокаут фазата од натпреварувањето. Во случај на еднакви бодови меѓу тимовите во групата, критериумите за пласман се: гол-разлика, број на постигнати голови, резултат меѓусебни натпревари, фер-плеј и конечно нерешен резултат.

Аргентина го брани трофејот, откако ја победи Франција со 4:3 по продолженија во финалето на Светското првенство во 2022 година во Катар.

Извлекувањето го предводеа поранешниот британски фудбалер Рио Фердинанд и американската новинарката Саманта Џонсон, додека поранешниот играч на НФЛ Том Брејди, поранешниот хокеар Вејн Грецки, поранешниот кошаркар Шакил О'Нил и бејзбол играчот Арон Џаџ ги извелуваа паровите.

Програмата ја водеа моделот Хејди Клум и актерите Кевин Харт и Дани Рамирез. Италијанскиот тенор Андреа Бочели, британскиот пејач Роби Вилијамс, американската пејачка Никол Шерцингер и американската раперка Лорин Хил настапија за време на церемонијата.

На извлекувањето присуствуваа американскиот претседател Доналд Трамп и неговата сопруга Меланија, канадскиот премиер Марк Карни и мексиканската претседателка Клаудија Шајнбаум.

Составот на групите на СП:

ПРЕПОРАЧАНО