Портпаролката на руското Министерство за надворешни работи, Марија Захарова, оцени дека присуството на трупи на Коалицијата на подготвените на територијата на Украина е „категорично неприфатливо“ и дека Москва ќе ги смета таквите контингенти за легитимна воена цел.

Зборувајќи на прес-конференција, Захарова рече дека евентуалното распоредување на западни трупи, кои, според неа, би биле предводени од Велика Британија и Франција, би претставувало таен план за странска воена интервенција, објави Интерфакс.

„Русија постојано нагласува дека распоредувањето на западни трупи на украинска територија, под кој било изговор, би претставувало закана за нашата безбедност. Ние ќе ги сметаме таквите трупи за легитимна воена цел“, нагласи таа.

Во јануари, францускиот претседател Емануел Макрон, британскиот премиер Кир Стармер и украинскиот претседател Володимир Зеленски потпишаа декларација за намера во врска со евентуалното распоредување на мултинационални сили во Украина по прекинот на непријателствата.

Декларацијате беше потпишана за време на состанокот во Париз на претставниците на Коалицијата на подготвените, која обединува десетици земји кои обезбедуваат воена помош на Украина и, меѓу другото, ја разгледува можноста за распоредување мировни сили на нејзина територија по завршувањето на конфликтот.