Туркије ќе продолжи да ја поддржува стабилноста на Сирија и ќе работи во соработка со Саудиска Арабија за обнова на Сирија, изјави денеска турскиот претседател Реџеп Таип Ердоган за време на состанокот со саудискиот престолонаследник Мохамед бин Салман во Ријад.
Лидерите разговараа за регионални и глобални прашања, билатерални односи, енергија и одбрана за време на нивниот состанок, според соопштението издадено од Дирекцијата за комуникации на Туркије.
Анкара продолжува да работи за обнова на Газа, рече Ердоган, повикувајќи на засилени напори за ставање крај на хуманитарната криза.
Двајцата лидери, исто така, детално разговараа за најновата ситуација во Јемен и случувањата во Источна Африка.
Ердоган изрази решеност да ги подигне односите меѓу Туркије и Саудиска Арабија на „повисоко ниво“ преку чекори што треба да се преземат во многу области.
