Англиските клубови Манчестер Јунајтед и Тотенхем ќе играат во финалето на Лигата на Европа на УЕФА, откако Јунајтед го победи Атлетик Билбао во полуфиналето, а Тотенхем го елиминираше Бодо/Глимт.

Откако го доби првиот полуфинален натпревар на гостински терен во Билбао со високи 3:0, Манчестер Јунајтед вчера на „Олд Трафорд“ го доби и реваншот со 4:1 и со тоа убедливо обезбеди пласман во финалето на ЛЕ.

Микел Жауреџизар го доведе шпанскиот тим во водство во 31. минута, но Манчестер постигна четири гола во последните 20 минути од натпреварот. Стрелци беа Расмус Хојлунд, Касемиро и Мејсон Маунт, кој постигна два гола.

Противник на Јунајтед во финалето ќе биде Тотенхем, кој вчера пристигна во Норвешка кај Бодо/Глимт со предност од 3:1 од првиот натпревар и повторно славеше убедлива победа од 2:0.

Доминик Соланке и Педро Поро ги постигнаа головите за лондонскиот тим вечерва.

Финалето на Европската лига ќе се игра на 21 мај во Билбао.