Британецот Ландо Норис во болидот на Мекларен е новиот светски шампион во Формула 1 откако вчера заврши третопласиран на Големата награда на Абу Даби која беше последната трка во сезоната.

Победата на патеката „Јас Марина“ во Абу Даби му припадна на Холанѓанецот Макс Верстапен (Ред Бул), но тоа не му беше доволно за да слави во генералниот пласман.

Клупскиот колега на Верстапен, Австралиецот Оскар Пјастри, кој, исто така, се надеваше на титулата, беше втор, а третото место, доволно за титулата, го освои Норис.

Пред последната трка од сезоната, Норис беше водечки во генералниот пласман со 408 бодови и за освојување на титулата му беше потребно да ја заврши трката во Абу Даби на едно од првите три места.

На крајот, Норис ја освои светската титула со два бода повеќе од Верстапен.

Последниот пат кога возач на Мекларен ја освои светската титула беше во 2008 година кога победи Британецот Луис Хамилтон.

Мекларен уште од поодамна ја обезбеди титулата во пласман на конструктори.