Турскиот претседател Реџеп Таип Ердоган, даде изјава во која остро ги осуди плановите против редефинирање на границите во регионот, нагласувајќи дека Туркије нема да дозволи повторување на игрите од пред еден век.
„Како потомци на султанот Алпарслан и Салахудин Ејуби ќе стоиме рамо до рамо, со обединето срце и душа и со Божја дозвола нема да дозволиме ционистите да вршат нови операции во нашиот регион“, напиша Ердоган на платформата „Х“.
Тој предупреди дека регионот и светот минуваат низ период на историско преструктуирање и Туркије мора да дејствува внимателно.
„Додека геноцидната мрежа отворено ги објавува своите намери да го подели нашиот регион со нови мапи, и ние мора да ги дефинираме нашите политики во согласност со оваа реалност“, рече тој.
Турскиот претседател нагласи дека целта на Туркије е да создаде стабилна безбедносна клима, каде ниту еден граѓанин и ниту еден припадник на безбедносните сили нема да претрпи ниту една рана.
„Нашата цел е векот на Туркије да го направиме ера на мир, братство и солидарност во нашиот регион“, заклучи Ердоган.













