| Macedonian
СВЕТ
3 МИН ЧИТАЊЕ
Уништувањето на шумите во бразилска Амазонија намалено за 34 отсто
За половина година во тој регион се униптени 2.649 квадратни километри шума, што е најмалку од 2019 година
Уништувањето на шумите во бразилска Амазонија намалено за 34 отсто
За половина година во тој регион се уништени 2.649 квадратни километри шума, што е најмалку од 2019 година / Photo: AA / AA

Уништувањето на шумите во бразилска Амазонија опадна за 34 отсто во првата половина на 2023 година, покажаа прелиминарните владини податоци. Ова е најниско ниво во последните четири години бидејќи претседателот Луис Инасио Лула да Силва воведе построги политики за животната средина.

Според податоците на бразилската национална агенција за вселенски истражувања ИНПЕ, за половина година во тој регион се уништени 2.649 квадратни километри шума, што е најмалку од 2019 година.

Сепак, тоа е површина повеќе од три пати поголема од Њујорк, што го нагласува предизвикот со кој се соочува Лула целосно да го елиминира уништувањето на шумите.

“Ова е многу позитивно, но сепак имаме многу високо ниво на уништување на шумите, изјави Даниел Силва”, аналитичар на непрофитната организација WWF-Brasil.

Лула ја презеде функцијата во јануари, ветувајќи дека ќе стави крај на уништувањето на шумите до 2030 година, по напливот на уништување за време на мандатот на неговиот претходник, Жаир Болсонаро, кој ги намали напорите за заштита на животната средина. Поранешниот лидер на екстремната десница повика на интензивирање на земјоделство и рударство на заштитените земји, велејќи дека тоа ќе го извлече регионот од сиромаштија.

Министерката за животна средина Марина Силва на брифинг со новинарите рече дека намалувањето на сечењето на шумите е директен резултат на владата на Лула што брзо ги зголемува ресурсите за заштита на животната средина.

“Правиме максимални напори за да се осигураме дека нашиот план против уништување на шумите е веќе во полн ек. Ова е резултат на нашите вонредни мерки”, рече Силва.

Само во јуни сателитските податоци на ИНПЕ покажаа дека се исчистени вкупно 663 квадратни километри шума, што е намалување за 41 отсто во однос на истиот месец пред една година.

Останува нејасно дали годишното уништување на шумите ќе се намали, бидејќи од јули до септември е врвот на уништувањето на шумите и пожарите.

ИЗВОР:TRT Balkan / агенции
Повеќе
350 палестински деца во израелските затвори соочени со тортура и глад
Мерц: Оваа зима за Украина ќе биде најтешка од почетокот на војната
Емине Ердоган повика на глобална заштита на правата на децата со фокус на Газа
Илјадници луѓе протестираат низ цела Италија поради платите и јавните услуги
Договрена соработка со Универзитетот Тракија и обука за македонските здравствени работници
Германските индустриски работници започнаа први целодневни предупредувачки штрајкови по осум години
Турскиот брод Оруч Реис пристигна во Пакистан за да започне сеизмички истражувања
Русија ги отфрла безбедносните гаранции за Украина по примерот на НАТО
Пораз на Ликуд на Нетанјаху: Избран нов претседател на Кнесетот од редовите на опозицијата
Во Полска се урнала руска крстосувачка ракета
Најмалку петмина загинати во масовен руски ракетен напад врз Украина
Апел од децата во Газа до светот за Светскиот ден на детето: „Не заборавајте нè“
Иран ги отфрли тврдењата на Трамп дека Техеран развива биолошко оружје
Политико: Трамп ја доведува во прашање европската воена помош за Украина
ЕУ ќе го повика претставникот на Русија по нападите на Киев и оштетувањето на амбасадите