| Macedonian
СВЕТ
4 МИН ЧИТАЊЕ
Близу 1.500 компании на саемот за одбранбена индустрија во Истанбул
Саемот (ИДЕФ) е еден од најголемите светски собири во одбранбената индустрија и важна платформа за промоција, маркетинг и соработка.
Близу 1.500 компании на саемот за одбранбена индустрија во Истанбул
Саемот се одржува под покровителство на Претседателството на Туркије / Photo: AA / AA

1461 компанија од 55 земји во светот учествуваат на Меѓународниот саем за одбранбена индустрија (ИДЕФ'23), еден од најголемите светски собири на одбранбената индустрија, кој беше отворен денеска во Истанбул.

ИДЕФ, стана важна платформа за промоција, маркетинг и соработка во областа на одбраната и безбедноста и по 16-ти пат ги отвори вратите во Конгресниот центар ТУЈАП.

Саемот се одржува под покровителство на Претседателството на Туркије, домаќин е Министерството за национална одбрана, а во организација на ТУЈАП и Фондацијата за зајакнување на вооружените сили на Туркије.

На церемонијата на отворањето на Саемот, кој ја претставува меѓународната платформа на турската одбранбена индустрија, присуствуваа потпретседателот на Туркије, Џевдет Јилмаз, министерот за национална одбрана Јашар Ѓулер, министерот за индустрија и технологија Мехмет Фатих Качир и многу други домашни и странски високи претставници.

Шефот на Канцеларијата за воена индустрија при Претседателството на Туркије, Халук Горгун, изјави дека, како и на претходните саеми на ИДЕФ, турските компании од одбранбената индустрија, како и меѓународните, ќе ги изложат своите најнови технолошки платформи и системи, додавајќи дека ќе бидат потпишани многу договори и ќе бидат поставени темели на нова соработка.

Туркије во светскиот врв во следните 10 години

Ѓоргун нагласи дека бројот на земји во кои се извезуваат производи од турската одбранбена индустрија е зголемен на 170, а разновидноста на извезени производи на 230.

„Нашата земја, која прави значајни чекори на полето на одбранбената индустрија, како и на секое друго поле, од една страна ја зголемува својата конкурентска сила на светскиот пазар на одбранбената индустрија, а од друга страна работи со сите сили под водство на нашиот претседател за безбедност и стабилност во својот регион. Се надевам дека динамиката на успехот што го постигнавме со ланскиот рекорден извоз од 4,4 милијарди долари ќе ја пренесеме на многу повисоко ниво оваа година. Наша цел е да бидеме една од најважните земји во светот во областа на одбранбената индустрија во следните 10 години“, рече Ѓоргун.

Садик Пијаде, вршител на должноста генерален директор на Фондацијата за зајакнување на турските вооружени сили, рече дека ИДЕФ се претвори во важна меѓународна платформа за промоција, маркетинг и соработка во областа на одбранбената индустрија.

„ИДЕФ зазеде место меѓу четирите најголеми саеми за одбранбена индустрија во светот. Покрај тоа што сме домаќини на вкупно 1.461 компанија, од кои 689 домашни и 772 странски, на нашиот Саем гостуваат и 189 делегации од 81 земја“, објасни Пијаде.

Презентирани најновите производи

ИДЕФ, кој е меѓу четирите најдобри светски саеми на одбранбената индустрија по бројот на компании учесници, привлекува внимание како најголем светски саем на одбранбената индустрија во однос на водењето преговори.

Како и претходните години, многу производи развиени во рамките на турската одбранбена индустрија првпат беа изложени на ИДЕФ. На Саемот се претставени и нови верзии на различни претходно развиени производи.

На Саемот се изложени голем број производи, вклучително оклопни борбени возила, тактички оклопни возила, беспилотни копнени, воздушни и поморски возила, вооружени системи, проектили, наведувани проектили, пешадиско оружје, воени симулатори, решенија за електронско војување и опрема за отстранување експлозивни направи.

Во рамките на ИДЕФ ќе се одржат различни состаноци за соработка меѓу домашни и странски официјални делегации и компании учесници на Саемот. Дополнително, ќе бидат потпишани договори за важни проекти што се на агендата на турската одбранбена индустрија.

Меѓународниот саем за одбранбена индустрија, еден од најголемите собири на одбранбената индустрија во светот, завршува на 28 јули.

ИЗВОР:TRT Balkan / агенции
Повеќе
ЦЕНТКОМ негира дека Иран уништил радари на САД во Бахреин
КOП31 го враќа постепеното укинување на фосилните горива во центарот на разговорите за климата
Во Охрид отворена Четвртата годишна конференција на Форумот на балканските уставни судови
Туск: Полска не прифаќа нов безбедносен договор без европска согласност
6 лица загинаа при уривање на осумкатна зграда во изградба во близина на главниот град на Кенија
Анвар: Нема индикации дека чипови од Малезија биле пренасочени кон Кина по фијаското со Енвидија
Шпанија одобри заштита на домувањето откако политичкиот застој предизвика предвремени избори
Извештај: Русија бара Финска да излезе од НАТО во разговорите во Абу Даби
Повеќе од 5.500 мртви од ебола во Конго во епидемијата што продолжува да се шири
Трамп му порача на Венс да го пренасочи фокусот од Иран кон корупцијата и криминалот во САД
Поранешниот директор на Нвидиа повикан да сведочи пред Сенатот поради безбедносни прашања
Сиљановска-Давкова: Европа не треба да си дозволи да остане недоволно поврзана со Западен Балкан
ЦЕНТКОМ: Веста во израелските медиуми за продолжување на војната со Иран е чиста шпекулација
Зеленски се надева дека прекинот на огнот ќе биде тема на разговорите со Русија
Одборот за мир повика на итно спроведување на планот за Газа по израелскиот напад врз болница