| Macedonian
СВЕТ
2 МИН ЧИТАЊЕ
Гутереш го повика Иран да се откаже од развојот на нуклеарно оружје
Генералниот секретар на ОН, Антонио Гутереш, зборувајќи на Светскиот економски форум во Давос за ситуацијата на Блискиот Исток, рече дека се надева дека Иран ќе се ангажира конструктивно со другите земји во регионот
Гутереш го повика Иран да се откаже од развојот на нуклеарно оружје
Гутереш, исто така, ја повика меѓународната заедница да ги ублажи санкциите кон Сирија / Photo: Reuters / Reuters

Иран мора да го направи првиот чекор кон подобрување на односите со земјите во регионот и со САД, ставајќи јасно до знаење дека нема за цел да развие нуклеарно оружје, изјави денеска генералниот секретар на Обединетите нации, Антонио Гутереш.

Зборувајќи за ситуацијата на Блискиот Исток на Светскиот економски форум во Давос, тој рече дека се надева дека Иран ќе се ангажира конструктивно со другите земји во регионот.

Во врска со Појасот Газа, Гутереш рече дека се надева оти конфликтните страни ќе разберат дека ќе имаат корист од траен прекин на огнот што може да го отвори патот за преговори за решение со две држави.

Гутереш, исто така, ја повика меѓународната заедница да ги ублажи санкциите кон Сирија.

Претходно, шефот на Меѓународната агенција за атомска енергија (МААЕ) Рафаел Гроси денеска изјави дека Иран моментално има околу 200 килограми ураниум збогатен до 60 отсто чистота.

Гроси им рече на новинарите на економскиот форум во Давос дека ова е блиску до 90 отсто чистота што е потребна за производство на нуклеарно оружје.

Според стандардите на МААЕ, оваа количина на ураниум би била доволна за да се направат пет нуклеарни бомби.

Гроси, исто така, нагласи дека неодамнешното забрзување на процесот на збогатување ураниум до ниво од 60 отсто му овозможи на Иран да ја зголеми стапката на производство седум пати во споредба со претходниот период.

ИЗВОР:TRT Balkan / агенции
Повеќе
Туркије доби пофалби за глобалното лидерство во борбата против фрлањето храна
Иран останува на својот предлог како основа за обновување на безбедноста во Ормускиот Tеснец
Ердоган: Братските односи меѓу Туркије и Азербејџан се нераскинливи, никој не може да ги поткопа
Претседателот на КОП31, Мурат Курум, повика климатските ветувања да се преточат во реалност
Фон дер Лајен: Мора да се обнови и зачува слободата на пловидба во Црното Море
Рубио: Дипломатски договор со Иран можеби нема да биде можен
Зеленски: ЕУ ќе употреби итен механизам за да испорача помош за Украина
Трамп очекува од Нетанјаху да го спроведе планот за Газа откако завршија изборите
Директорот на Нвидиа соочен со истрага поради љубовна афера со наводна кинеска шпионка
Јапонија испраќа воена помош за Филипините во Источнокинеското Море
Во Аргентина уапсен маж поради закани кон папата Лав XIV пред неговото пристигнување
Напаѓачот од Полска им подлегна на раните по престрелката со полицијата
Трамп размислува да остане неутрален во изборот на негов наследник меѓу републиканците во 2028
Трагедија на Крит: 12 мигранти пронајдени мртви, повеќе од 100 спасени
Кина ја продолжува суспензијата на дополнителните царини за увоз од САД за 2 месеци