| Macedonian
СВЕТ
3 МИН ЧИТАЊЕ
„Ако умрам, простете, мамо, тато“, напиша дете од Газа пред да биде убиено
Семејство од Газа ја откри последната порака на 10-годишниот Азми Абу Ал Шаар неколку месеци по неговата смрт во израелските воздушни напади, откривајќи го скршеното срце и уништувањето на војната
„Ако умрам, простете, мамо, тато“, напиша дете од Газа пред да биде убиено
Израелскиот геноцид во Газа ги однесе животите на 17.861 дете, покажуваат најновите статистички податоци на владината канцеларија за медиуми во Газа / Photo: AA / AA

„Ако умрам, простете ми, мамо, тато“, напиша 10-годишниот Палестинец Азми Абу Ал-Шаар на својот телефон пред да биде убиен во израелски воздушен напад, чија цел беше домот на неговото семејство за време на 15-месечен геноцид во Газа.

Неговото семејство неодамна ја откри пораката во неговиот телефон, откривајќи потресна порака обликувана од мрачните реалности на војната, вклучувајќи смрт, уништување и губење на најблиските.

Напишана на 19 март 2024 година, белешката ја одразува свесноста на детето за неговата смртност во услови на уништување на домови и убиства на жени и деца.

„Мир на вас. Ако умрам, простете ми, мама, тато и моите браќа и сестри Наима, Шахед, Мерјам и Махмуд. Мамо и тато, длабоко ми е жал ако некогаш ве вознемирив. Се чувствувам како да не ми останува уште многу време“, гласи пораката која е широко споделена на социјалните мрежи.

Азми продолжи: „Мамо, те молам, грижи се за Махмуд. Неема, извини што те мачам. Шахед, Мерјам, Махмуд - жал ми е за сите вас. Се колнам дека ве сакам сите вас, и баба, дедо, моите чичковци и сите. Се надевам дека ќе ми простат“.

Израелскиот геноцид во Газа ги однесе животите на 17.861 дете, покажуваат најновите статистички податоци на владината канцеларија за медиуми во Газа.

За време на војната, многу деца ги напишаа своите имиња на рацете и телата за да им помогнат на спасувачите да ги идентификуваат во случај да бидат убиени или распарчени во израелската машина за убивање, што е трагичен одраз на ужасите што ги преживеаја најмладите жители на Газа.

Договорот за прекин на огнот во Газа стапи во сила на 19. јануари и ја прекина геноцидната војна на Израел во која загинаа речиси 47.300 Палестинци, главно жени и деца, а беа повредени речиси 111.500 од 7. октомври 2023 година.

Договорот во три фази вклучува размена на затвореници и одржлива смиреност, со цел за трајно примирје и повлекување на израелските сили од Газа.

Израелскиот напад ја остави Газа во урнатини, а нејзините жители се раселени, гладни и склони кон болести.

Меѓународниот кривичен суд во ноември лани издаде налози за апсење за израелскиот премиер Бенјамин Нетанјаху и неговиот поранешен министер за одбрана Јоав Галант за воени злосторства и злосторства против човештвото во Газа.

Израел, исто така, се соочува со тужба за геноцид пред Меѓународниот суд на правдата за неговата војна против енклавата.

ИЗВОР:AA
Повеќе
Калини: Нема Палестина без Газа, нема мир без крај на израелската окупација
Европското обвинителство отвори истрага за измама поврзана со брзата железничка линија во Шпанија
68 милиони тони урнатини претставуваат еколошка и хуманитарна катастрофа во Газа
Пашинјан: Ерменија и Туркије ќе воспостават дипломатски односи во блиска иднина
Муцунски-Касис: Швајцарија понуди помош од ОБСЕ околу спорот со Бугарија
Ердоган: Тероризмот на окупаторите врз Палестинците  е сè подрзок поради рамнодушноста на светот
Трамп размислува за продолжување на војната против Иран, наскоро ќе донесе одлука
Белгискиот премиер останува на функцијата откако кралот не му ја прифати оставката
Од Данска до Португалија, нов бран закани за летови
Нетфликс ќе инвестира 200 милиони долари во турски продукции во текот на три години
Вадефул: Европа мора да има централна улога во преговорите за Украина
Саудиска Арабија пресретна две балистички ракети лансирани од Хутите
Советот НАТО-Украина одржа вонредна средба во Брисел
Трамп предвидува голем договор за Украина што би можел да ја вклучи цела Европа
Тексас ќе ги ограничи дата центрите, голем пад на берзите за ВИ