Индиската вселенска агенција објави дека успешно го лансирала американскиот комуникациски сателит „Блу Брд Блок 2“ од новата генерација преку ракетата ЛВМ3-М6.

Со тежина од 6.100 килограми, сателитот е најтешкиот товар поставен во ниската Земјина орбита преку ЛВМ3 од индиска почва.

„Мисијата ЛВМ3-М6 успешно го постави сателитот „Блу Брд Блок 2“ во планираната орбита“, соопшти Индиската организација за вселенски истражувања (ИСРО) по полетувањето од јужна Индија.

Според агенцијата, мисијата е наменска комерцијална и е „најголемиот комерцијален комуникациски сателит поставен во ниската Земјина орбита“.

Сателитот е дел од „следната генерација“ комуникациски сателити „Блу Брд Блок 2“ „дизајнирани да обезбедат вселенска мобилна широкопојасна поврзаност директно до стандардни мобилни паметни телефони“, соопшти вселенската агенција.