Туркије ја поддржува нормализацијата на трговските и транспортните врски со Ерменија и сака да го одржи позитивниот замав во билатералните односи, му порача во средата претседателот Реџеп Таип Ердоган на ерменскиот премиер Никол Пашинјан.
Ердоган и Пашинјан се сретнаа во „Турската куќа“ (Туркеви) во Њујорк, на маргините на 81-вата сесија на Генералното собрание на ОН, соопшти Директоратот за комуникации на Туркије.
Двајцата лидери разговараа за билатералните односи, како и за регионални и глобални прашања.
Ердоган изјави дека Туркије ги поздравува реципрочните чекори во мировниот процес меѓу Ерменија и Азербејџан.
Тој исто така истакна дека сè поголемата соработка меѓу Туркије и Ерменија во рамките на меѓународните организации придонесува кон процесот на нормализација.
Ердоган го покани Пашинјан да присуствува на Самитот на лидерите во рамките на COP31, што ќе се одржи во Туркије.
На средбата присуствуваше и турскиот министер за надворешни работи, Хакан Фидан.
