| Macedonian
ПОЛИТИКА
2 мин читање
Белата куќа ја обвини Кина дека собрала податоци на над 220 милиони гласачи од САД
Трамп најави објавување на декласифицирани разузнавачки податоци, за кои тврди дека докажуваат масовно странско мешање и сериозни пропусти во американскиот изборен систем
Белата куќа ја обвини Кина дека собрала податоци на над 220 милиони гласачи од САД
Белата куќа ја обвини Кина дека собрала податоци на над 220 милиони гласачи од САД
 

Американскиот претседател Доналд Трамп изјави дека Кина, почнувајќи од изборниот циклус во 2020 година, дошла до податоци на 220 милиони американски гласачи, оценувајќи го овој инцидент како најголемо компромитирање на изборни податоци во историјата.

Во обраќањето до нацијата Трамп најави објавување на декласифицирани разузнавачки податоци, за кои тврди дека докажуваат масовно странско мешање и сериозни пропусти во американскиот изборен систем.

Повикувајќи се на извештај на ЦИА, тој изјави дека во средината на 2018 година, за време на неговиот прв мандат, политиката на Комунистичката партија на Кина била да ги „искористи сите домашни и странски елементи“ што му се спротивставуваат, со цел да го намали бројот на гласови што би ги добил на изборите во 2020 година, да го принуди на оставка или да го спречи неговиот реизбор“.

Тој додаде дека документите откриваат оти десетици важни извештаи на ЦИА и на Агенцијата за национална безбедност (НСА) за кинеско мешање во изборите биле намерно изоставени од неговите претседателски брифинзи.

Трамп, исто така, ја обвини кинеската Влада дека се обидела да ги идентификува американските новинари што известувале негативно за него и да им плати големи суми за да продолжат со иста практика.

„Како што се наведува во една процена, проценуваме дека противниците на САД, вклучително најмалку Русија, Кина, Иран, Северна Кореја, како и недржавни групи, имаат капацитет да ја компромитираат изборната инфраструктура на САД“, рече тој.

Трамп тврди дека овие сознанија откриваат изборен систем што е толку компромитиран и ранлив, што го прогласи за „неодбранлив“.“

„Стотици милиони досиеја на американски гласачи се во рацете на странски влади“, рече тој.

Трамп посочи дека избирачките списоци вклучуваат стотици илјади починати лица и недржавјани, критикувајќи го тоа што при гласачкиот процес нема национално барање за лична карта или доказ за државјанство.

„Утре секретарот за домашна безбедност (Марквејн Малин) ќе одржи брифинг за да ја претстави неодамнешната работа на неговиот оддел со која се потврдуваат киберанливоста во нашите електронски системи за гласање – тие се лоши“, додаде Трамп.

Тој изјави дека се во процес на информирање на гувернерите, сенаторите и членовите на Конгресот за потенцијални проблеми во нивните сојузни држави.

„Но, што е најважно, справувањето со оваа криза на изборната безбедност бара Конгресот да го усвои Законот за спас на Америка (Save America Act)“, аргументираше Трамп, осврнувајќи се на предлог-законот што тој го поддржува, а кој е закочен во Конгресот, нагласувајќи дека сите гласачи мора да приложат доказ за државјанство.

Повеќе
Договрена соработка со Универзитетот Тракија и обука за македонските здравствени работници
Германските индустриски работници започнаа први целодневни предупредувачки штрајкови по осум години
Турскиот брод Оруч Реис пристигна во Пакистан за да започне сеизмички истражувања
Русија ги отфрла безбедносните гаранции за Украина по примерот на НАТО
Пораз на Ликуд на Нетанјаху: Избран нов претседател на Кнесетот од редовите на опозицијата
Во Полска се урнала руска крстосувачка ракета
Најмалку петмина загинати во масовен руски ракетен напад врз Украина
Апел од децата во Газа до светот за Светскиот ден на детето: „Не заборавајте нè“
Иран ги отфрли тврдењата на Трамп дека Техеран развива биолошко оружје
Политико: Трамп ја доведува во прашање европската воена помош за Украина
ЕУ ќе го повика претставникот на Русија по нападите на Киев и оштетувањето на амбасадите
Зеленски: Украина, САД и Европа разговараа за безбедносните гаранции за Киев
Калифорниската адвокатска комора го истражува адвокатскиот статус на поранешната портпаролка
„Спасете ги децата“: Секое четврто дете во светот живее на подрачје на судири
МВР со предупредување до родителите: Заштитете ги децата од онлајн групата „764“