Кинескиот технолошки гигант Хуавеј во четврток го претстави „суперјазoл“ (supernode), она што го опиша како најмоќниот кластер на компјутери  во светот, велејќи дека системот испорачува врвна процесорска моќ без користење на напредните чипови на Нвидиа, објави Саут Чајна Морнинг Пост.

Од Хуавеи рекоа дека кластерот е изграден со домашни техники за производство на чипови за да се зајакне независноста на Кина во компјутеризацијата со вештачка интелигенција.

„Хуавеи се стреми да изгради компјутерско решение „суперјазол + кластер“ користејќи процеси за производство на чипови достапни во Кина за да ги задоволи растечките потреби за компјутерско работење“, рече заменик-претседателот Ксу Жијун на конференција во Шангај.

Тој додаде дека компанијата ќе претстави нови чипови Асценд АИ (Ascend AI) во текот на следните три години, вклучувајќи го и Асценд 950ПР (Ascend 950PR) во првиот квартал од 2026 година, во временска рамка што се совпаѓа со најновите лансирања на Нвидиа и АМД.

Пекинг ги повика кинеските фирми да престанат да купуваат чипови на Нвидиа дизајнирани специјално за Кина за да се усогласат со правилата за извоз на САД, потег што се совпадна со објавата на Хуавеи.

Извршниот директор на Нвидиа, Јенсен Хуанг, во среда рече дека е разочаран од ставот на Пекинг. 

„Трпелив сум во врска со тоа, но тие имаат поголеми агенди што треба да ги разработат меѓу Кина и САД.“

Портпаролот на кинеското Министерство за надворешни работи, Лин Џиан, во четврток изјави дека Пекинг се спротивставува на „дискриминаторските практики против одредени земји во однос на економските, трговските и технолошките прашања“, според државниот „Глобал тајмс“.

Тој додаде: „Кина е подготвена да одржува дијалог и соработка со сите страни за да ја одржи стабилноста на глобалниот синџир на производство и снабдување.“

Хуавеи, кој е под санкции на САД од 2019 година, се појави како централен играч во напорите на Пекинг да развие капацитет за вештачка интелигенција независно од американската технологија. 

Според Хуавеи, кластер со суперјазол ги поврзува забрзувачите на вештачката интелигенција преку ултрабрзи меѓусебни врски за да функционираат како единствен систем со високи перформанси,