Luksemburgu synon ta njohë Palestinën si shtet më vonë këtë muaj në Asamblenë e Përgjithshme të OKB-së në Nju Jork, raportuan të hënën mediat lokale.

Kryeministri Luc Frieden dhe ministri i Jashtëm Xavier Bettel e bënë këtë njoftim para një komisioni parlamentar, sipas raporteve.

Të premten e kaluar Asambleja e Përgjithshme e OKB-së miratoi një rezolutë me të cilën mbështetet “Deklarata e Nju Jorkut”, që synon njohjen e shtetit palestinez dhe përparimin drejt zgjidhjes me dy shtete në konfliktin izraelito-palestinez.