Топлотните бранови ќе се влошуваат, времето за мерки истекува
КУЛТУРА
4 МИН ЧИТАЊЕ
Топлотните бранови ќе се влошуваат, времето за мерки истекуваСе проценува дека 60.000 луѓе починале минатата година во Европа како последица на екстремните жештини, а таа бројка годинава може и да се зголеми со оглед на интензитетот на топлотните бранови
Со досегашното темпо најверојатно 2023 година ќе биде најтопла во историјата / Фото: AA / AA

Топлотните бранови ќе ги загрозат здравјето на луѓето и егзистенцијата и последиците ќе бидат се посилни, предупредуваат од Обединетите Нации.

Светот треба да се подготви за серија на вакви ектремни временски настани кои ќе се засилуваат и ќе стануваат се попасни. На многу места се бележат рекорди на термометрите, со температури кои го надминувааат 40-от степен на Целзиусовата скала.

„Овие настани ќе продолжат да растат во интензитет и светот треба да се подготви за поинтензивни топлотни бранови. Неодамна прогласениот Ел Нињо се очекува само да ги засили зачестеноста и интензитетот на екстремните топлотни настани. Не очекува тежок период и се плашам дека ќе има сериозни последици“, посочи Џон Наирн, Советник за екстремна жештина на ОН.

Високите температури се закана за луѓето низ Европа и светот и се очекува само да се влошуваат во наредните години. Со досегашното темпо најверојатно 2023 година ќе биде најтопла во историјата, откако се вршат метеоролошки мерења на температурите.

Се проценува дека 60.000 луѓе починале минатата година во Европа како последица на екстремните жештини, а таа бројка годинава може и да се зголеми со оглед на интензитетот на топлотните бранови.

Неверојатно топлите ноќи ги зголемуваат и последиците врз здравјето и може да бидат опасни по живот.

„Постојаните високи ноќни температури се особено опасни за здравјето на луѓето бидејќи телото не може да се опорави од постојаната топлина. Ова доведува до зголемени случаи на срцев удар и смрт. И не се единствените болести што ги гледаме, туку тие се најзначајните. Додека најголем дел од вниманието се фокусира на дневните максимални температури, температурата во текот на ноќта е таа што ќе има најголем ризик по здравјето“, вели Наирн.

Ова е само почеток

Екстремно жешко време го погоди Медитеранот, особено земјите кои влегоа во летната туристичка сезона како Грција, Хрватска, Шпанија и Италија. Останатиот дел од Балканот исто така се соочува со силни жештини и високи температури.

Тоа предизвика повеќе држави да упатат предупредувања за внимателност при патувањето на туристите и планирање на посетите на туристичките места во портокаловите и црвените зони.

Рекордни температури се бележат низ Азија, северот и средниот дел на Америка, Африка и Средниот Исток.

Од една страна, топлотниот притисок е предизвикан од долгогодишното загадување од горење на фосилни горива како нафта, јаглен и гас, што ја влошува климатската криза.

Од друга страна годинава засилен е и природниот феномен „Ел Нињо“ кој ги подгрева температурите и го засилува интензитетот на екстремната топлина со придвижување на топлина од Тихиот океан што ги менува временските шаблони низ планетата и го зголемува притисокот за бури.

Од ОН и СЗО предупредија дека времето за преземање мерки истекува и дека мора веднаш да се делува за намалување на човечкото влијание врз влошување на климатската криза.

ИЗВОР:TRT Balkan / агенции
Повеќе
Туск: Полска не прифаќа нов безбедносен договор без европска согласност
6 лица загинаа при уривање на осумкатна зграда во изградба во близина на главниот град на Кенија
Анвар: Нема индикации дека чипови од Малезија биле пренасочени кон Кина по фијаското со Енвидија
Шпанија одобри заштита на домувањето откако политичкиот застој предизвика предвремени избори
Извештај: Русија бара Финска да излезе од НАТО во разговорите во Абу Даби
Повеќе од 5.500 мртви од ебола во Конго во епидемијата што продолжува да се шири
Трамп му порача на Венс да го пренасочи фокусот од Иран кон корупцијата и криминалот во САД
Сиљановска-Давкова: Европа не треба да си дозволи да остане недоволно поврзана со Западен Балкан
ЦЕНТКОМ: Веста во израелските медиуми за продолжување на војната со Иран е чиста шпекулација
Зеленски се надева дека прекинот на огнот ќе биде тема на разговорите со Русија
Одборот за мир повика на итно спроведување на планот за Газа по израелскиот напад врз болница
Универзитетот во Торонто признава дискриминација против муслимани, Арапи и Палестинци
Иран тврди дека уништил американски радар за рано предупредување во Бахреин
Си ќе се обрати на самитот на АПЕК и ќе одржи билатерални состаноци во Шенжен следната недела
Групи за застапување ги тужат технолошките гиганти поради „катастрофални“ ризици од ВИ