Русија и Украина разменија по 100 воени заробеници со посредство на Обединетите Арапски Емирати (ОАЕ), објави руското Министерство за одбрана.

Се наведува дека 100 руски војници се разменети за 100 украински војници, кои веќе се префрлени во Киев.

„Ослободените војници ќе бидат транспортирани во Москва со воено-транспортни авиони на руските воздушни сили на лекување и рехабилитација“, соопшти Министерството.

„На сите ослободени им е укажана потребната медицинска и психолошка помош“, се додава.

Министерството ја пофали улогата на Обединетите Арапски Емирати, велејќи дека властите обезбедиле „помош за хуманитарно посредување“.

Украинскиот претседател Владимир Зеленски одделно ја потврди размената и рече дека 100 војници кои биле вратени од Русија се од Националната гарда, Државната гранична служба и вооружените сили.

Размената е втора меѓу двете страни откако руското Министерство за одбрана ја обвини Украина за соборување на авионот со 65 заробени украински војници за размена на затвореници на 24 јануари.