| Macedonian
ЕУ започна истрага против кинеската онлајн платформа Тему
Европската комисија изјави дека ќе ја процени и транспарентноста и практиките за пристап до податоци на Тему, како и наводната употреба на функции кои предизвикуваат зависност за да ги натера клиентите да трошат повеќе пари
ЕУ започна истрага против кинеската онлајн платформа Тему
Истрагата уследи по барањето Тему да информира што прави за да ја спречи продажбата на фалсификувани или небезбедни производи на платформата / Photo: Reuters / Reuters

Европската комисија започна формална постапка против кинеската платформа за онлајн продажба „Тему“ за да истражи дали ги прекршува правилата за спречување на продажбата на нелегални и потенцијално опасни производи на нејзината веб-страница.

Како што е наведено, Европската комисија се сомнева дека Тему го прекршува Европскиот закон за дигитални услуги (ДСА), пренесува Блумберг.

Доколку се потврди сомневањето за прекршување на законот, Тему би можел да плати казна до шест отсто од својот глобален годишен приход.

Комисијата изјави дека ќе ја процени и транспарентноста и практиките за пристап до податоци на Тему, како и наводната употреба на функции кои предизвикуваат зависност за да ги натера клиентите да трошат повеќе пари.

Дополнително, Европската комисија ќе провери дали Тему ја контролира продажбата на нелегални производи и што прави за да ги отстрани лажните трговци од платформата.

По официјалната истрага на ЕУ, Тему има право да предложи усвојување контрамерки за да се одговори на загриженоста на Европската комисија и на тој начин да се избегнат потенцијалните високи казни.

Истрагата уследи по барањето на ЕУ од 11 октомври Тему да информира што прави за да ја спречи продажбата на фалсификувани или небезбедни производи на онлајн платформата.

Европската комисија тогаш соопшти дека побарала „детални информации и внатрешни документи за мерките за ублажување преземени против присуството и повторното појавување на трговци кои продаваат нелегални производи“ на платформата.

Информациите кои Тему досега ги доставил на ЕК се незадоволителни и не ја ублажиле загриженоста на Европската унија, додаваат анонимни извори.

Според експертите, Тему поттикнуваат импулсно купување, покажуваат лажни попусти, трошат милијарди на агресивно рекламирање, а податоците не се безбедни.

ИЗВОР:TRT Balkan / агенции
Повеќе
Мерц: Оваа зима за Украина ќе биде најтешка од почетокот на војната
Емине Ердоган повика на глобална заштита на правата на децата со фокус на Газа
Илјадници луѓе протестираат низ цела Италија поради платите и јавните услуги
Договрена соработка со Универзитетот Тракија и обука за македонските здравствени работници
Германските индустриски работници започнаа први целодневни предупредувачки штрајкови по осум години
Турскиот брод Оруч Реис пристигна во Пакистан за да започне сеизмички истражувања
Русија ги отфрла безбедносните гаранции за Украина по примерот на НАТО
Пораз на Ликуд на Нетанјаху: Избран нов претседател на Кнесетот од редовите на опозицијата
Во Полска се урнала руска крстосувачка ракета
Најмалку петмина загинати во масовен руски ракетен напад врз Украина
Апел од децата во Газа до светот за Светскиот ден на детето: „Не заборавајте нè“
Иран ги отфрли тврдењата на Трамп дека Техеран развива биолошко оружје
Политико: Трамп ја доведува во прашање европската воена помош за Украина
ЕУ ќе го повика претставникот на Русија по нападите на Киев и оштетувањето на амбасадите
Зеленски: Украина, САД и Европа разговараа за безбедносните гаранции за Киев