Претседалот на сириската преодна Влада, Ахмед ал-Шара, изрази желба односите со Туркије да се трансформираат во стратешко партнерство.

На заедничката прес-конференција со турскиот претседател Реџеп Таип Ердоган во турскиот главен град Анкара, Ал Шара ја истакна важноста од продлабочување на партнерството меѓу двете земји, нагласувајќи: „Ја потврдуваме трансформацијата на нашите односи со Туркије до длабоко стратешко партнерство во сите полиња“.

Сирискиот претседател рече дека претстојната фаза ќе се фокусира на „зајакнување на трговската размена и заедничките инвестиции, особено во проектите за обнова на инфраструктурата, со цел да се постигне економско закрепнување и да се поддржи подобра иднина за двете земји“.