Федералната трговска комисија на САД спроведува истрага на ниво на целата индустрија за Антропик, OпенAИ и други лаборатории за вештачка интелигенција за да ги открие потенцијалните опасности што нивната технологија ги претставува за потрошувачите, изјави висок функционер на ФТЦ за Ројтерс.
Истрагата е првата официјална регулаторна акција на САД што се занимава со „одметнатите“ агенти за вештачка интелигенција, во услови на пораст на инциденти првично пријавени во јули, кои предизвикаа стравувања дека неконтролираната вештачка интелигенција еден ден би можела да им наштети на луѓето.
ФТЦ планира да издаде формални барања за информации и да побара сведочење од раководителите на врвни развивачи на вештачка интелигенција, вклучувајќи ги Антропик, OпенAИ и истражувачката група METР, рече функционерот.
Претседателот на ФТЦ, Ендру Фергусон, минатата недела предложи развивачите кои ги обучуваат агентите за тестови за сајбер безбедност што резултираат со хакирање, да бидат одговорни за каква било штета што ја предизвикуваат.
Aнтропик и OпенAИ не одговорија веднаш на барањата на Ројтерс за коментар.
Фергусон имал загриженост за компаниите и пред агентите за вештачка интелигенција развиени од OпенAИ да ја хакираат платформата со отворен код ХАгинг Фејс (Hugging Face), рече функционерот.
Но инцидентот во кој агентите на OпенАИ го испитале центарот за кодирање на вештачка интелигенција за ранливости пред да извршат напад од големи размери ја зголеми итноста околу ова прашање, рече функционерот.
Американскиот претседател Доналд Трамп се сретна со врвни директори на вештачката интелигенција во вторник, каде што компаниите се согласија да воспостават доброволни стандарди.
Трамп постојано ги нарекува стравувањата за вештачката интелигенција измама, бидејќи се обидува да ѝ даде предност на доминацијата на САД во технологијата пред регулативата.
Во исто време, тој исто така рече дека владата може да ги користи постојните закони против компаниите за вештачка интелигенција за каква било штета што може да ја предизвикаат.
Австралија минатата недела соопшти дека вештачката интелигенција на ОпенАИ во јуни извршила упад во владин портал за здравствени податоци и неовластено пристапила до датотеки, што е првиот познат случај на хакирање на владина веб-страница од страна на агент со ВИ.
