| Macedonian
Туркије ќе слета на Месечината и ќе вложи над 350 милиони евра во вселенски технологии
Средствата ќе бидат насочени кон високотехнолошко претприемништво, истражување и развој, како и кон домашно производство и тестирање на клучни вселенски системи и потсистеми
Туркије ќе слета на Месечината и ќе вложи над 350 милиони евра во вселенски технологии
Туркије ќе слета на Месечината и ќе вложи над 350 милиони долари во вселенски технологии
 

Туркије планира да издвои повеќе од 20 милијарди турски лири или над 350 милиони евра за да го забрза остварувањето на целите на Националната вселенска програма и да ја намали зависноста од странски вселенски и воздухопловни технологии.

Средствата ќе бидат насочени кон високотехнолошко претприемништво, истражување и развој, како и кон домашно производство и тестирање на клучни вселенски системи и потсистеми.

Тие, исто така, ќе ги забрзаат активностите во рамките на турската програма за истражување на Месечината, чија цел е слетување на површината на Месечината уште следната година и ќе помогнат да се обезбеди независен пристап до орбитата на Земјата преку вселенски космодром во Сомалија.

Се очекува годишните издвојувања во рамките на овој тригодишен финансиски пакет да се зголемат од 104,3 милиони евра во 2027 година на 119,7 милиони евра во 2028 година, достигнувајќи 131,2 милиони евра во 2029 година.

Од вкупниот износ, приближно 354,6 милиони евра ќе бидат наменети за поддршка на националната Програма за вселена и воздухопловство, додека околу 474.700 евра ќе бидат издвоени за Програмата за управување и поддршка.

Летало за истражување на Месечината, развиено под водство на Одделот за вселенски истражувања при Советот за научни и технолошки истражувања на Туркије (ТУБИТАК), ќе спроведува истражувања во месечевата орбита пред да се спушти на површината на Месечината, користејќи хибриден погонски систем развиен во земјата.

Турската вселенска агенција, исто така, работи на обезбедување независен пристап до орбитата на Земјата преку развој на сопствени ракетни технологии и воспоставување вселенски космодром во Сомалија. Ова ќе ѝ овозможи на Туркије самостојно да лансира сопствени сателити, како и во иднина да одговара на барања за лансирање од целиот свет.

Агенцијата, исто така, планира да се насочи кон истражување на длабоката вселена преку формирање на напреден центар за истражување и развој, фокусиран на технологија на фузија за идни погонски системи.

Се очекува изградбата на овој центар да биде завршена 60 проценти до следната година, додека целосното завршување е предвидено за 2029 година.

Дополнително, се планира формирање на центар за апликации поврзани со вселенското време, кој ќе ги следи и моделира феномените поврзани со вселенското време. Се очекува центарот да достигне 40 проценти завршеност во текот на тригодишниот период на финансирање.

Повеќе
Мерц: Оваа зима за Украина ќе биде најтешка од почетокот на војната
Емине Ердоган повика на глобална заштита на правата на децата со фокус на Газа
Илјадници луѓе протестираат низ цела Италија поради платите и јавните услуги
Договрена соработка со Универзитетот Тракија и обука за македонските здравствени работници
Германските индустриски работници започнаа први целодневни предупредувачки штрајкови по осум години
Турскиот брод Оруч Реис пристигна во Пакистан за да започне сеизмички истражувања
Русија ги отфрла безбедносните гаранции за Украина по примерот на НАТО
Пораз на Ликуд на Нетанјаху: Избран нов претседател на Кнесетот од редовите на опозицијата
Во Полска се урнала руска крстосувачка ракета
Најмалку петмина загинати во масовен руски ракетен напад врз Украина
Апел од децата во Газа до светот за Светскиот ден на детето: „Не заборавајте нè“
Иран ги отфрли тврдењата на Трамп дека Техеран развива биолошко оружје
Политико: Трамп ја доведува во прашање европската воена помош за Украина
ЕУ ќе го повика претставникот на Русија по нападите на Киев и оштетувањето на амбасадите
Зеленски: Украина, САД и Европа разговараа за безбедносните гаранции за Киев