| Macedonian
РЕГИОН
5 МИН ЧИТАЊЕ
Какво оружје годинава купија земјите од регионот?
Неизвесно е дали војната што Русија ја започна во Украина и новите околности го стимулираа купувањето оружје од страна на земјите од Западен Балкан или се следат последните воени трендови за опремување на вооружените сили.
Какво оружје годинава купија земјите од регионот?
Какво оружје годинава купија земјите од регионот?      Фото: TRT Balkan  / TRT Balkan

Системи за противвоздушна опрема, борбени авиони, беспилотни летала се меѓу она што во последен период го купија земјите од Западен Балкан или најавија дека се заинтересирани да го набават.

Неизвесно е дали војната што Русија ја започна во Украина и новите околности го стимулираа купувањето оружје од страна на земјите од Западен Балкан или се следат последните воени трендови за опремување на вооружените сили.

Во продолжение дел од покрупните воени набавки на државите од регионот оваа година.

Француски систем за противвоздушна одбрана во Северна Македонија

Меѓу последните најаваени набавки за Армијата на Северна Македонија е системот за противвоздушна одбрана од Франција. Министерство за одбрана веќе ги направи првите чекори неопходни за набавката. Системот за противвоздушна опрема чини 66 милиони евра, а месецов требаше да биде платена првата од четирите рати. Оружјето ќе може да се користи за три години.

Министерката за одбрана Славјанка Петровска изјави дека се работи за долгорочен проект, не постои опасност за напад врз земјата, но дека ваквите инвестиции се дел од стратешкото и долгорочно планирање на одбраната.

Исто така според планот за модернизација на армијата и програмата што ја усвои Владата на Северна Македонија, од САД ќе набави и оклопни возила, специјални возила за посебни намени и артилериски системи.

Србија со слична набавка од Кина

Србија годинава го претстави системот за противвоздушна одбрана кој го набави од Кина. Се работи за ракетниот систем ФК-3 со среден дострел. Според началникот на Генералштабот на војската на Србија Милан Мојсиловиќ, со ова воздушниот простор на Србија ќе биде обезбеден. Оваа земја според претседателот Александар Вучиќ годинава очекува и 11 воени и два полициски хеликоптери.

Според француските медиуми, најголемата набавка на оружје во Србија допрва треба да следува. Односно се очекува набавка на 12 борбени авиони „Рафал” од Франција.

Набавката на „Бајрактар” во Албанија пред реализација?

Во Албанија последниов период е актуелна набавката на шест дронови Бајрактар кој Албанија треба да ги набави од Туркије. Премиерот на Албанија Еди Рама изјави дека при неговата последна посета на Туркије се разговарало за купување на дроновите. За шесте беспилотни летала Албанија ќе плати шест милиони евра. Дроновите би требало да имаат повеќекратна намена односно следење лица по кои се трага и контрола на територијата на државата.

Американски противтенковски системи во БиХ

Сложеното државно уредување е пречка за поширок консензус во Босна и Херцеговина меѓу сите ентитети во општеството за набавка на оружје. Сепак во април годинава беше постигната согласност за набавка на воена опрема од САД.

Според началникот на штабот на заедничките вооружени сили на Босна и Херцеговина Сенад Машовиќ, договорена е набавка на противтенковски системи „Џавелин”.

Претставници на БиХ и САД разговарале и за набавка на системи за противвоздушна одбрана и ракети со краток и среден дострел.

Набавка од девет милиони евра во Косово

Околу девет милиони евра чинеше една од последните набавки на вооружување во Косово, наменета главно за граничната полиција. Пред два месеци беше набавено оружје во вредност од 1,6 милиони евра, оклопни возила, водени топови и блиндирани лимузини во вредност од 7,1 милиони евра, како и специјализирана опрема вредна 280.000 евра.

Црна Гора купи оклопни возила од САД

Армијата на Црна Гора во септември годинава набави оклопни возила од САД. Набавката се состои од вкупно 67 оклопни возила. До 2023 година треба сите да пристигнат во Црна Гора.

Со овие оклопни возила ќе бидат опремени две пешадиски чети во Армијата. Црна Гора стана првата европска земја членка на НАТО која ќе ги користи возилата „Ошкош“. Вредноста на набавката изнесуваше 36,1 милиони долари.

ИЗВОР:TRT Balkan
Повеќе
Хаџиу и Мецола разговараа за напредокот на Косово во ЕУ интеграциите
Колку е казната доколку немате зимска опрема?
АНБ и МВР разбиле иранска прокси мрежа која планирала терористички напад во Грција
Поранешниот претседател на Косово, Хашим Тачи, осуден на 17 месеци затвор за попречување на правдата
Со свечена заклетва конституиран новиот состав на Народното собрание на Србија
Триесет и пет години од првиот Устав на независна Македонија
Се урна српски МиГ-29, пилотот загинал
Од полноќ ново намалување на цените на бензините и дизелот
Мицкоски од Брисел: Проширувањето на ЕУ е геостратешки императив, посветени сме на реформите
Фон дер Лајен: Земјите од Западен Балкан прават значајни чекори кон членство во ЕУ
Човекот кој готвеше тавче гравче за принцот Чарлс и јагнешко за емирот од Катар
Во Охрид отворена Четвртата годишна конференција на Форумот на балканските уставни судови
Сиљановска-Давкова: Европа не треба да си дозволи да остане недоволно поврзана со Западен Балкан
Студентската листа во Србија објавува план за БиХ, ги осудува израелските акции во Газа
Мицкоски: Ваква глобална енергетска криза немало досега, но поскапувања на струјата кај нас ќе нема
Турскиот претседател се сретна со лидерите на Босна и Херцеговина во Анталија
Пирц Мусар: Нашите одлуки мора да бидат водени од факти, а не од краткорочни политички интереси
Милатовиќ на КОП31: Црна Гора гради одржлива иднина преку 4 столба и проектот „Еколошка држава 2.0"
Силјановска-Давкова на КОП31: Веројатно сме последната генерација што има време да го промени курсот
Вучиќ: Целосно би ги игнорирал претседателските избори