Претседателката на Европската комисија Урсула фон дер Лајен денеска доаѓа во Скопје на средби со македонскиот државен врв. Tаа ќе се сретне со премиерот Христијан Мицкоски и со претседателката Гордана Сиљановска Давкова. Планирана е прес – конференција со премиерот Мицкоски.

Се очекува на средбите со Мицкоски и Сиљановска Давкова, една од клучните теми на разговор да биде македонската европерспектива и застојот во евроинтегративните процеси во контекст на уставните измени.

Пред доаѓањето на фон дер Лајен во Скопје имаше најави и за промени на политиката на Европската унија во однос на земјите кандидатки за членство со „постепена интеграција“ во единствениот пазар, вклучувајќи трговија без бариери и пристап до истражувачки програми, а процесот на пристапување да продолжи.

Сето ова би можело да биде одземено ако назадуваат демократските процеси или ако земјите  споделуваат чувствителна технологија со непријателски настроени влади.

Посетата на фон дер Лајен е дел од бејзината балканска турнеја во која ќе ги посети и Албанија, Црна Гора и Косово. Босна и Херцеговина и Србија не се на агендата на еврокомесарката поради изборите во овие две земји.