Владејачката либерална партија во Словенија обезбеди тесна победа над конзервативците на вчерашните парламентарните избори, според локалните медиуми.

Централно-левичарското Движење за слобода на премиерот Роберт Голоб освои 28,62% од гласовите, пред Словенечката демократска партија на поранешниот десничарски популистички лидер Јанез Јанша, која доби 27,95%, објави радиодифузерот РТВ.

Со преброени 99,85% од гласачките ливчиња, Движењето за слобода е на пат да освои 29 места, додека се очекува Словенечката демократска партија да обезбеди 28 во парламентот со 90 места.

Излезноста на гласачите беше пријавена на речиси 70%.

Словенечката претседателка Наташа Пирц Мусар му ја честиташе победата на Голоб на американската платформа за социјални медиуми X.

„Искрени честитки до Движењето за слобода, релативниот победник на изборите. Веќе му се јавив на претседателот на партијата, д-р Роберт Голоб, и лично му честитав“, напиша Мусар.

Гласовите по пошта во Словенија ќе се пребројат во понеделник, додека гласачките ливчиња од странство се очекува да се пребројат на 30 март, со што ќе бидат финализирани резултатите.