| Macedonian
РЕГИОН
3 МИН ЧИТАЊЕ
Се на еден клик - Што ќе опфаќа Европскиот дигитален идентитет
До 2030 година речиси 80 отсто од европските граѓани треба да го користат дигиталниот идентитет, а истовремено да имаат целосен пристап и до податоци како што се медицински записи.
Се на еден клик - Што ќе опфаќа Европскиот дигитален идентитет
Усогласена европската регулатива за единствен дигитален идентитет - Фото: ТРТ Балкан / ТРТ Балкан МК

Европските граѓани на располагање ќе имаат уникатен дигитален идентитет со кој ќе може да ги овластуваат сите лични документи, банкарски сметки и податоци, а притоа да бидат соодветно заштитени.

Европската Унија има амбициозна цел да биде прва во светот со ваква уницифирана дигитална платформа која ќе им биде на располагање на граѓаните, како и на компаниите.

eID (Европски дигитален идентитет), е начелно договорен во рамки на Советот на ЕУ и следен чекор ќе биде имплементирање на регулативата на ниво на земји членки. Со оглед на амбициите на Северна Македонија и останатите земји од Западен Балкан за влез во ЕУ може да се очекува подготовка за прифање на регулативата и во регионот.

„Со одобрувањето на европската регулатива за дигитален идентитет, правиме фундаментален чекор за граѓаните да имаат единствен и безбеден европски дигитален идентитет. Ова е клучен напредок за Европската Унија да биде глобална референца во дигиталната област, заштитувајќи ги нашите демократски права и вредности“, посочи Надиа Калвињо шпанската вицепремиерка за економија и дигитализација и член на Советот на ЕУ.

Се преку еден дигитален паричник

До 2030 година речиси 80 отсто од европските граѓани треба да го користат дигиталниот идентитет, а истовремено да имаат целосен пристап и до податоци како што се медицински записи.

Планот е и до крајот на декадата 100 отсто од граѓаните и бизнисите да имаат електронски пристап до јавните услуги.

Европскиот дигитален идентитет ќе функционира преку дигитален паричник. Со него корисниците ќе може да ги внесат документите за лична идентификација, возачките дозволи, банкарските картички за електронски и мобилни плаќања, но и многу други документи како што се дипломи, лиценци, одобренија, овластувања и итн.

Целта е едноставно со еден клик или допир на екранот да се потврди дигиталниот идентитет на корисникот и да се изврши овластување на документите кои се активни во дигиталниот паричник.

ИЗВОР:TRT Balkan
Повеќе
МВР со предупредување до родителите: Заштитете ги децата од онлајн групата „764“
Александар Чупиќ избран за претседател на српскиот Парламент
Рама: Бугарите треба да бидат внесени во Уставот на Северна Македонија
Хаџиу и Мецола разговараа за напредокот на Косово во ЕУ интеграциите
Колку е казната доколку немате зимска опрема?
АНБ и МВР разбиле иранска прокси мрежа која планирала терористички напад во Грција
Поранешниот претседател на Косово, Хашим Тачи, осуден на 17 месеци затвор за попречување на правдата
Со свечена заклетва конституиран новиот состав на Народното собрание на Србија
Триесет и пет години од првиот Устав на независна Македонија
Се урна српски МиГ-29, пилотот загинал
Од полноќ ново намалување на цените на бензините и дизелот
Мицкоски од Брисел: Проширувањето на ЕУ е геостратешки императив, посветени сме на реформите
Фон дер Лајен: Земјите од Западен Балкан прават значајни чекори кон членство во ЕУ
Човекот кој готвеше тавче гравче за принцот Чарлс и јагнешко за емирот од Катар
Во Охрид отворена Четвртата годишна конференција на Форумот на балканските уставни судови
Сиљановска-Давкова: Европа не треба да си дозволи да остане недоволно поврзана со Западен Балкан
Студентската листа во Србија објавува план за БиХ, ги осудува израелските акции во Газа
Мицкоски: Ваква глобална енергетска криза немало досега, но поскапувања на струјата кај нас ќе нема
Турскиот претседател се сретна со лидерите на Босна и Херцеговина во Анталија
Пирц Мусар: Нашите одлуки мора да бидат водени од факти, а не од краткорочни политички интереси