Српскиот претседател Александар Вучиќ објави дека се сретнал со израелскиот премиер Бенјамин Нетанјаху во Њујорк. Средбата, како што рече, била „добра и значајна“, пренесува Анадолу.

„Добар и значаен разговор со Нетанјаху“, објави Вучиќ на социјалните мрежи.

Вучиќ се сретна со Нетанјаху во Њујорк, каде што се одржува 80-то заседание на Генералното собрание на Обединетите нации.

„Особено е важно што ја отворивме темата за преговори за договор за слободна трговија меѓу Србија и Израел, што би бил голем чекор во развојот на нашите идни односи“, рече српскиот претседател.