Социјалната мрежа за видео содржини ЈуТјуб (YouTube) во сопственост на Гугл се согласи да исплати 24.5 милиони долари оштета на американскиот претседател Доналд Трамп затоа што во 2021 година целосно му го блокираше профилот по насилниот упад на Капитол Хил на 6 јануари.

Случајот го означува конечното решение во серијата тужби што Трамп ги покрена против големите платформи на социјалните медиуми откако го заврши првиот мандат.

Мета која ги поседува Фејсбук и Инстаграм се согласи на оштета од 25 милиони долари, претежно наменети за претседателската библиотека на Трамп, додека платформата X или поранешен Твитер, плати 10 милиони долари.

Според судските документи, делот од 22 милиони долари на Трамп од спогодбата за Јутјуб ќе оди за непрофитната организација „Фонд за Националниот мол“, наменета за балска сала во стилот на одморалиштето Мар-а-Лаго што се гради на имотот на Белата куќа.

Од Вашингтон соопштија дека проектот од 200 милиони долари ќе биде финансиран од Трамп и „други патриотски донатори“.

Преостанатиот дел од спогодбата ќе биде распределен на другите тужители во случајот, вклучувајќи ја и Американската конзервативна унија.