Претседателот на Светската фудбалска асоцијација (ФИФА), Џани Инфантино, е уверен дека натпреварите од Светското првенство во 2026 година ќе се одржат во Мексико.

„Многу сум возбуден поради ситуацијата во државата, но убеден сум дека сè ќе биде во ред. На Мундијалот ќе биде спектакуларно“, изјави Инфантино во колумбискиот град Баранкила.

На 22 февруари, мексиканското Министерство за одбрана спроведе специјална операција за апсење на водачот на нарко-картелот Рубен Немесио Осегуера Сервантес, познат како „Ел Менчо“. Тој почина од повредите додека беше транспортиран во Мексико Сити. По ова, избувнаа немири во неколку градови и општини, вклучувајќи ја и Гвадалахара, градот домаќин на Светското првенство во 2026 година.

Светското првенство во 2026 година ќе биде првото на кое ќе учествуваат 48 национални селекции и ќе биде првото на кое ќе бидат домаќини три земји: САД, Канада и Мексико. 

Мундијалот ќе се игра од 11 јуни до 19 јули.