Соединетите Американски Држави (САД) „моментално водат разговори со Куба“, изјави американскиот претседател Доналд Трамп.

Трамп истакна дека државниот секретар Марко Рубио ги води разговорите. „Тие апсолутно треба да постигнат договор“, додаде тој. Трамп ја нарече Куба „неуспешна земја“.

„Ќе видиме како ќе заврши сè. Но, Куба и ние разговараме. Во меѓувреме, има ембарго, нема нафта, нема пари“, рече тој.

На прашањето дали би размислил за воена операција како онаа во Венецуела, Трамп рече дека не сака да одговори на тоа прашање.

„Зошто би одговорил на тоа? Да одговорев, тоа не би била многу тешка операција, како што можете да претпоставите, но не мислам дека ќе биде потребно тоа“, рече тој.

САД ја вратија блокадата на Куба, прогласувајќи ја својата намера за соборување на комунистичката Влада на републиката на еден или друг начин.

Вашингтон воведе ембарго за испораките на гориво за островската земја, која веќе се соочуваше со акутен недостиг.

САД претходно успеаја да ги запрат испораките на нафта за Куба од Мексико и Венецуела, а потоа американските сили го заробија претседателот Николас Мадуро.

Вашингтон, исто така, ја соопшти својата намера да воведе пропорционални увозни давачки за стоки од земји кои се осмелуваат да испорачаат гориво на Куба.